المستشفى يرفض دخول عبد الله مشرف بعد الاشتباه في إصابته بكورونا.. وأشرف زكي يتدخل

تعرض الفنان عبد الله مشرف في الساعات الأولى من صباح اليوم الخميس، لوعكة صحية دخل على إثرها مستشفى القاهرة، بعدما اشتبه في إصابته بجلطة بالمخ.

وكشفت ابنته مها عبد الله تفاصيل حالته ، وقالت: “هو حاليا معزول في المستشفى وبكامل وعيه، ويتواجد بالعناية المركزة، وأنا كلمت دكتور أشرف زكي، لأنهم في المستشفى مكانوش راضيين يدخلونا، حتى بعد ما عرفوا أنه عنده إنذار بجلطة واشتباه بكورونا، وقالولنا مينفعش تدخلوا هنا”.

وأضافت: “بالرغم من أنهم عندهم دور مخصص، ولكن لما أنا روحت البيت كل الناس قالولي والدك مينفعش يقعد في البيت، لازم يتعالج من الجلطة وكمان علشان كورونا، وطبعا كان لازم نعمل مسحة والمسحات بتتعمل الصبح”.

وأردفت: “فكلمت أشرف زكي، ودي كانت أول مرة اختلط بحد في الوسط الفني، علشان كنت عايزة حد يتصرفلي، وكان معايا في منتهى الذوق وخدمني جدا، ومفيش ثلاث دقائق وكلمني قالي روحي نفس المستشفى اللي كنتم فيها، وبالفعل طلع عندهم مسحة وغرفة مخصصة لكورونا”.

eXTReMe Tracker